الرئيسية / الاسرة / تعرفى على طريقة عمل الفته بالخل والثوم

تعرفى على طريقة عمل الفته بالخل والثوم

إعداد انجي ياسو

المكونات : 
8 قطع لحمه او حسب الرغبه
2 رغيف عيش بلدي “بالرده”
2 كوب رز
6 حبات طماطم
2 ملعقه صلصه
توم و خل حسب الرغبه
ملح وفلفل

طريقة التحضير 
نسلق اللحمه مع بصل وحبهان ولورا ومستكه

نقطع العيش ونضعه في طاسه هلي نار هاديه ونحطله معلقه سمنه وفصين توم مهروس وملح خفيف وكزبره ناشفه ونقلبهم لحد ما يبقي العيش متحمر ومقرمش ونطفي عليه

نعمل رز ابيض بدون شعريه

الصلصه : في حله نحط سمنه و3 فصوص توم مهروس ونقلبه لحد ما يبقي دهبي نحط عليهم 3 معلقه خل ونتركهم يغلوا ثم نضيف عصير الطماطم وصلصه الطماطم والملح والفلفل ونتركها حتي تستوي ويكون قوامها متوسط مش تقيل ومش خفيف

في صنيه نضع العيش اللي جهزناه ونسقيه بشوربه ساخنه ونغطيه وفي طاسه نحط معلقه سمنه او زبده ونحمر فيها اللحمه

بعد ما العيش يشرب الشوربه ويبقي طري نحط عليه شويه صلصه قليل ونحط الرز ونغطيه بالصلصه ونرص فوقها اللحمه المتحمره وبالهنا والشفا

Facebook Comments

شاهد أيضاً

لشعر طويل في وقت قصير إليك طريقة عمل ماسك الجرجير للشعر

تقدمها شيرين عبد الفتاح إن الشعر هو تاج جمال المرأة وتحرص كل امرأة على العناية …

اترك رد

WP Facebook Auto Publish Powered By : XYZScripts.com